E consehonan pa un combersacion
Con pa cuminsa un bon conbersacion?
Contact met Bureau Sostenemi
588 10 10
Den caso di un emergencia jama 100
Si bo ta pensa cu un mucha ta den un situacion di abuso of ta den un situacion di descuido, ta importante pa bo papia cu e mucha y tambe su mayornan. Esaki no semper ta facil. Nos ta prefera pa no involucra nos mes cu e asuntonan di otro. Nos ta teme pa e reaccion di e mayornan. Kisas nan por rabia cu nos. Talbes nos ta ekiboca nos mes.
Asina mes, e combersacion ta e miho paso pa sigui. Esaki por yuda nos mas leu. Realmente tin algo cu ta pasando of ta algo cu ta malo. Y si resulta cu tin problema, bo ta capaz pa yuda? Tin biaha un bon conseho of un man di amiga por significa hopi. Aki bo por haya conseho con pa papia cu e mayornan. Despues cu bo a caba di lesa e consehonan, bo tin pregunta? Yama nos na Bureau Sostenemi pa bo haya acesoramento.
E combersacion cu e mayornan
10 conseho pa un combersacion cu e mayornan[1]
Conseho 1. Discuti bo preocupacionnan directamente
No warda te ora cu bo ta sigur cu algo ta pasand. Pone e cosnan chikito y e preocupacionnan grandi riba mesa directamente pa e mayornan. Talbes nan por kita bo preocupacionnan di inmediato. Por ehempel: Pakico nan no por splica e motibo dicon e mucha tin plekinan grandi y blauw riba su lomba. Kisas nan por bisa cu e plekinan blauw ey ta door cu e mucha a cay for di su bicicleta. Of cu Mike ta masha keto y tristo ta pasobra su wela ta hopi malo. Con hopi mas bo ta sinta warda pa analisa e preocupacionnan aki? Mas probabel ta cu e mayornan mes ta sinti cu nan no ta suficientemente honesto. Si bo comparti e preocupacionnan chikito cu nan, ta bira mas facil pa nan por papia di nan preocupacionnan mas grandi.
Conseho 2: No husga
Pone bo preocupacionnan sin husga. No cu bo ta bisa: “Maria ta hole stinki, pero di e forma aki: “Mi a nota cu Maria ta hole pishi.” Menciona loke bo a mira of scucha y pakico bo ta hay’e masha notabel. Por ehempel: “Ta parce cu Bas e ultimo simannan aki ta hopi cansa. E ta pega soño mientras e ta hungando. Esaki a bolbe pasa awe.” No culpa e mayornan. No papia di un sospecho di abuso di mucha of di algo cu e mayornan no ta haci bon. Bisa e mayornan loke bo a mira of scucha cu a yama bo atencion. Por ehempel cu Jimmy diripiente ta comportando su mes mas activo cu nunca bo no a mira prome.
Conseho 3: Sea mas curioso
Sea mas curioso pa loke e mayornan tin di bisa. Puntra nan kico nan ta pensa di e preocupacionnan cu bo tin den e combersacion y con bay cu e yiu na cas. No pensa loke nan ta bay bisa bo, no papia pa nan, sea habri pa scucha nan contesta. Esaki ta yuda nan bisa loke realmente nan ta pensa. Bo preocupacionnan ta aumenta door di nan reaccionnan? Consulta cu bo supervisor of un oficial di atencion. Of yama Bureau Sostenemi.
Conseho 4: Bo sa kico bo ta desea di logra?
Ta importante pa bo sa cua ta e meta di bo combersacion. Algo chikito of algo cu ta parce inofensivo cu bo por discuti brevemente cu e mayornan ora nan yega pa busca e yiu. Bo ta kere cu tin algo mas of bo a discuti e cosnan chikito aki antes cu nan caba? Traha un cita pa un fecha pa un momento mas despues. Pensa por lo tanto of considera si bo ta desea di tene e combersacion bo so of talbes hunto cu e supervisor y/of cu e oficial di atencion. Bisa esaki tambe na e mayornan.
Conseho 5: Scucha activamente
Scucha activmente ta significa: Puntra y resumi. Demostra cu bo ta scucha atentamente. Ripiti e cosnan mas importante cu e mayor a bisa. Duna espacio na e emocionnan cu ta bin padilanti. Por ehempel rabia, tristesa of incomprension.
Conseho 6: Preparacion di e combersacion
Prepara e combersacion cuidadosamente. Laga e mayornan sa cu bo ta contento cu nan a acepta e combersacion y bisa nan tambe pakico bo kier tene e combersacion cu nan. E ora ey bo por bisa brevemente y sin husga loke bo a nota di e yiu anto cu esaki preocupa bo .
Conseho 7. Busca cooperacion
Mayoria di e mayornan kier e miho pa su yiu y/of yiunan. Y ta p’esey nan ta bira contento cu bo ta bisa loke bo a nota di nan yiu y/of yiunan. Laga e mayornan sa cu hunto cu nan bo kier busca un solucion pa e problema. Pa bo bisa nan cua ta e pasonan cu bo kier tuma. No haci nada tras di nan lomba. Esaki ta crea resistencia y ta aumenta e probabilidad cu e mayornan ta rabia of ta core bay. Incluso si bo ta desea un consulta cu e supervisor, e oficial di atencion of e empleado di Bureau Sostenemi bo ta bisa e mayornan. Por ehempel bo ta bisa: “Mi ta haya e problema hopi dificil pa hunto nos haya un solucion.” Ta p’esey mi kier consulta cu un persona cu sa mas miho tocante e problema. Puntra nan tambe si e mayornan ta haya miho asina.
Conseho 8: Duna espacio pa e emocionnan
Por ta cu e mayornan ta reacciona den un forma di rabia of tristesa pa bo preocupacionnan. Bo por imagina bo mes. Bo ta papiando cu e mayornan tocante e preocupacionnan di e forma cu nan ta educa y e forma di cuido cu nan ta duna nan yiu y/of yiunan. Specialmente si e mayornan no ta reconoce e preocupacionnan of no ta sinti loke cu nan ta causando, e emocionnan por yega halto. Ta importante pa haya un espacio pa esaki. Si un persona por mustra con por sinti, mas probable ta cu e emocionnan aki ta baha rapidamente.
Conseho 9: No priminti pa sconde secreto
E mayornan cu ta pidi esaki, bo no por priminti confidencialidad. Si bo priminti pa sconde secreto, bo por drenta den un situacion masha complica.
Bo no kier kibra of daña nan confiansa, pero si bo bisa algo serio, bo mester tuma medida y involucra otro hende pa cambia e situacion. Bo por priminti si cu bo no ta haci nada sin consulta cu nan prome.
Conseho 10: Haci palabracion
Palabra cu otro kico ta bay haci y kico bo ta bay haci pa sigura cu pa e mucha ta miho. Registra e palabracionnan den un archivo secundario di e mucha. Puntra e mayornan de bes en cuando con a sigui. Si no tin mehoransa of si tin preocupacionnan nobo, traha un otro palabracion y analisa loke bo por haci a continuacion.
[1] https://www.augeo.nl/nl-nl/kinderopvang/watdoejij/10-tips-voor-een-goed-gesprek-met-ouders/
