Mi ta un profesional

Bo por pidi Bureau Sostenemi informacion tocante con pa señala, identifica y/of trece mas señal y preocupacion padilanti.

Den paso 2, bo por consulta cu un colega. Cu un supervisor di abuso di mucha por ehempel. Den caso di duda, semper bo por tuma contacto cu Bureau Sostenemi pa consulta tocante un evaluacion di e señalnan y e preocupacionnan. Kico ta loke ta mas ta preocupa bo? Entre algun dje cosnan ta discuti e siguiente preguntanan:

• Cua ta e comportamentonan concreto cu ta preocupa bo mas?
• Cua ta e comportamentonan concreto cu ta proposiciona siguridad?
• Cua frecuencia, cuanto tempo, con dañino of con grave e comportamento di e personanan involucra ta? Cua ta e efecto riba e mucha?
• Cua ta e prome, e pio y ultimo bes cu tabata tin e preocupacionnan?
• Cua ta e excepcionnan di e preocupacionnan? Cua ta e momentonan cu e cosnan a sali bon?
• Con bo persona y e empleado di Bureau Sostenemi ta evalua e siguridad?
• E señalnan ta duna bo un sospecho grandi di abuso di mucha?
• Kico e señalnan ta bisa bo di un posibel seriedad y urgencia?

Den paso 3 bo ta analisa e señalnan cu e mayornan y cu e mucha. Prome cu bo haci e preparacionnan pa e combersacionnan, bo ta tuma contacto cu Bureau Sostenemi. Hunto cu bo persona, nos ta revisa e puntonan di interes di e combersacionnan. Esaki ta inclui e siguiente preguntanan:

Discuti e señalnan cu e mayornan.

• Ken ta papia prome? Ta papia separa of hunto?
• Unda bo ta haci e combersacion?
• Den cua formacion bo ta hiba e combersacion?
• Con bo ta cuminsa e combersacion? Con bo ta splica e motibo di e combersacion?
• Cua ta e preguntanan cu bo kier haci?

Discuti e señalnan cu e mucha?

• Unda bo ta haci e combersacion?
• Den cua formacion bo ta hiba e combersacion?
• Con bo ta splica e mucha di kico bo kier papia cu ne?
• Kico bo ta comparti loke ya bo sa caba di e situacion cu e mucha?
• Etcetera

E consehonan adicional con bo ta haci e combersacion bo por haya na “Conseho pa papia cu e mucha” y bou di “Conseho pa papia cu e mayornan”.

Ora di evalua e siguridad y/of insguridad, por consulta cu Bureau Sostenemi den caso di duda

• Cua e hechonan di conducta di negligencia, abuso of abuso sexual?
• Cua ta e dominionan?
• Cua ta e preocupacionnan principal y e obhetivonan di siguridad?
• Evalua e siguridad door di midi e demanda di pregunta.

Riba bo peticion, un empleado di Bureau Sostenemi por participa na un consulta di e caso, incluso den e etapa den cua no a haci notificacion ainda. Den e casonan aki e responsabilidad di e proximo pasonan pa sigui ta completamente riba bo persona.

Den paso 5 bo ta tuma e decision: Mi por ofrece ayudo of mi ta organisa ayudo cu ta hiba na recuperacion di e siguridad? Of mi mester haci e notificacion? Bo por tuma contacto cu Bureau Sostenemi pa un consulta na momento cu bo a tuma e decision pa continuacion. E combersacion ta inclui e siguiente preguntanan:

• Cua tabata bo evaluacion di siguridad y/of insiguridad na paso 4?
• Kico bo a wak den paso 3 di e disposicion di e mayornan ora di traha hunto pa e cambionan?
• Cua tabata e obhetivo di siguridad cu bo kier logra y cu bo ta kere cu bo mester pa logra e siguridad ey?
• Cua forma di apoyo, ayudo, tratamento bo mester pa recupera e siguridad di e mucha?
• Cua ta e personanan cu for di su ambiente social ta necesario pa traha pa e siguridad?
• Cua ta e oportunidadnan tin? Ora cu ta trata di proporciona yudansa, ta involucra otro profesionalnan of otro personanan di e mucha su ambiente social informal?
• E posibilidadnan ta suficiente pa recupera e siguridad na plaso largo?
• Den caso di un notificacion na Bureau Sostenemi:
• Con y/of ki momento ta informa e mayornan y e mucha di e notificacion?
• Cua ta e informacionnan cu Bureau Sostenemi tin mester?
• Cua ta e acuerdonan cu por haci riba e continuacion di participacion di e famia y e mayornan pa loke ta trata cooperacion y coordinacion?
• Ki ora nos por spera un “feedback” di Bureau Sostenemi?

Si bo ta desea di tuma contacto cu nos na Bureau Sostenemi pa haya acesoramento of notificacion, bo por haya mas informacion riba nos website: “Peticion pa acesoramento di e profesionalnan”.
Si bo ta desea di sa mas tocante loke ta nos trabou na Bureau Sostenemi despues cu nos ricibi un notificacion, bo por wak riba nos website: “E forma di traha di Bureau Sostenemi”.