Mi ta un ciudadano y mi ta preocupa pa un persona
Kico mi por haci?
Contacto cu Bureau Sostenemi
588 10 10
Den caso di un emergencia jama 100
Abuso di mucha ta comun y mayoria biaha bo ta haya esaki den tur cultura y/of den tur clase social. Y abuso di mucha no ta stop di su mes. Den hopi caso, esaki ta rekeri cu otro pafo di famia ta involucra su mes. Bo ta preocupa pa e siguridad di e mucha? E ora ey ta importante pa yudansa yega mas pronto posibel. Bo por haci esaki:
Papia cu un persona den ken bo ta confia
Si bo tin un inkietud tocante un mucha, ta importante cu bo ta papia cu un persona. Un persona cu bo ta confia. Talbes otro persona ta comparti su preocupacionnan y por yuda bo dal e siguiente paso. E persona ey tambe por mira e situacion di e mucha di un forma diferente. Hunto boso por discuti kico pa haci.
Riba e website bo por haya informacion tocante diferente forma di abuso di mucha.
E informacion aki por yuda bo tuma un decision.
Papia cu e mucha y e mayornan
Solamente papia di e situacion por mehora e situacion di e mucha. Door di tuma e decision di e combersacion, por haya un bista mas cla di loke ta pasando. Si efectivamente tin motibo di preocupacion, por discuti hunto loke mester haci tocante e situacion.
Discuti e preocupacionnan hopi biaha ta un paso masha grandi. Talbes bo ta prefera di no interferi den e educacion di e mucha. Talbes bo tin miedo di e reaccion di e mayornan. Pa yuda bo cu esaki, bishita nos website Conseho con pa papia cu e mucha y conseho con papia cu e mayor. Bo por tuma contacto cu Bureau Sostenemi pa haya acesoramento tocante e situacion.
Tuma contacto cu Bureau Sostenemi
Si bo ta preocupa pa un mucha y si bo ta mira e señalnan di abuso, semper por tuma contacto cu nos. Nos empleadonan tin hopi conocemento y experencia den trabou cu negligencia, abuso y abuso di mucha. Nan por duna conseho tocante evaluacion di e señalnan cu bo a mira di e mucha y tocante e pasonan cu bo mester tuma. E empleadonan tambe por duna informacion tocante e contribuicion cu Bureau Sostenemi a tuma pa mehora e situacion di e mucha y para e abuso di e mucha.
Si bo kier conseho tocante loke bo kier haci pa bo mes, bo no tin cu menciona bo nomber si bo ta prefera di no hacie. Si bo yega na un conclusion despues di a consulta cu nos empleado cu bo kier haci un notificacion, e ora ey ta necesario pa duna bo nomber y datonan di contacto. E informacion tocante con pa haci e notificacion bo por busca na “Notificacion na Bureau Sostenemi”.
Urgencia
Den caso di urgencia. Tuma contacto cu polis. Den caso di emergencia yama 911 inmediatamente.
