Mi ta un profesional
Kico mi por haci?
Bo tin preocupacion pa e siguridad di un mucha? Bo ta mira e señalnan di negligencia, abuso of abuso sexual. E ora bo mester haci algo na esaki. Probablemente e chens ta grandi cu ya bo ta trahando den un organisacion cu legalmente ta obliga di establece su propio Codigo di Proteccion. Bo por consulta cu e director si e organisacion y a yega asina leu caba. Riba e website www.codigodiproteccion.com bo por haya informacion mas detaya tocante e Codigo.
Si bo organisacion ta resorta bou di e Codigo di Proteccion ta spera di bo cu bo a tuma e siguiente pasonan despues di mira e señalnan di abuso di mucha. Aunke bo organisacion no ta resorta bou di e Codigo, e pasonan cu ta sigui ta hopi util.
Na prome luga, cualkier profesional cu mira e señalnan di abuso di mucha por tuma e pasonan concreto pa mehora e situacion di e mucha. Esaki ta e cinco (5) pasonan di e Codigo di Proteccion:
Paso 1 Señala e señalnan
Paso 2 E Consulta
Paso 3 E combersacion cu e mucha y cu e mayornan
Paso 4 Evaluacion
Paso 5 E decision pa ofrece ayudo y/of pa haci e notificacion.
Akibou bo por lesa con nos por yuda bo tuma e pasonan:
Bo por pidi Bureau Sostenemi informacion tocante con pa señala, identifica y/of trece mas señal y preocupacion padilanti.
Den paso 2, bo por consulta cu un colega. Cu un supervisor di abuso di mucha por ehempel. Den caso di duda, semper bo por tuma contacto cu Bureau Sostenemi pa consulta tocante un evaluacion di e señalnan y e preocupacionnan. Kico ta loke ta mas ta preocupa bo? Entre algun dje cosnan ta discuti e siguiente preguntanan:
Den paso 3 bo ta analisa e señalnan cu e mayornan y cu e mucha. Prome cu bo haci e preparacionnan pa e combersacionnan, bo ta tuma contacto cu Bureau Sostenemi. Hunto cu bo persona, nos ta revisa e puntonan di interes di e combersacionnan. Esaki ta inclui e siguiente preguntanan:
E consehonan adicional con bo ta haci e combersacion bo por haya na “Conseho pa papia cu e mucha” y bou di “Conseho pa papia cu e mayornan”.
Ora di evalua e siguridad y/of insguridad, por consulta cu Bureau Sostenemi den caso di duda
Riba bo peticion, un empleado di Bureau Sostenemi por participa na un consulta di e caso, incluso den e etapa den cua no a haci notificacion ainda. Den e casonan aki e responsabilidad di e proximo pasonan pa sigui ta completamente riba bo persona.
Den paso 5 bo ta tuma e decision: Mi por ofrece ayudo of mi ta organisa ayudo cu ta hiba na recuperacion di e siguridad? Of mi mester haci e notificacion? Bo por tuma contacto cu Bureau Sostenemi pa un consulta na momento cu bo a tuma e decision pa continuacion. E combersacion ta inclui e siguiente preguntanan:
Si bo ta desea di tuma contacto cu nos na Bureau Sostenemi pa haya acesoramento of notificacion, bo por haya mas informacion riba nos website: “Peticion pa acesoramento di e profesionalnan”.
Si bo ta desea di sa mas tocante loke ta nos trabou na Bureau Sostenemi despues cu nos ricibi un notificacion, bo por wak riba nos website: “E forma di traha di Bureau Sostenemi”.