No ta bay bon na cas
Kico mi por haci?
Contacto Bureau Sostenemi
588 10 10
Den caso di un emergencia jama 100
Bo no ta sinti bo sigur na bo cas? Por ehempel: Pakico bo mayornan ta pleita hopi biaha? Pakico nan ta dal of ta insulta bo? Nan ta mishi cu bo di un forma cu bo no ta gusta? Of nan ta mishi cu otro persona di un forma cu bo no ta sinti bon? Bo mayornan no tin tempo of atencion pa bo? Of nunca bo no ta haci nada bon den nan wowonan y bo ta haya esaki dificil?
Talbes bo tin duda? Y bo no ta sigur si e cosnan cu ta pasa na cas realmente no ta bon? Cu realmente no mester ta asina? Cu probablemente e chens ta grandi cu bo ta pensa cu tur cos ta depende di bo? Cu bo tin berguensa pa otro mucha den bo vecindario of na bo scol? Bo ta pensa cu hopi mucha ta pasa den mesun situacion? Nan tambe ta duda y no sa miho? Corda tambe cu e abuso di mucha no ta culpa di e mucha. Corda tambe cu tin persona cu kier scucha y yuda bo. Lesa kico bo por haci.
Papia cu un persona cu bo ta confia
E prome paso cu bo por tuma tambe ta dificil. Esta papia cu un persona tocante e asunto. Hopi mucha no ta tribi. Pasobra nan a scucha di nan mayornan cu no por. Of simplemente ta pasobra cu nan ta sinti cu nan no por. Pero ta bon. Tur mucha tin e derecho di papia cu otro tocante loke e ta experimentando y di su propio sintimentonan. Papia cu un hende cu bo ta confia. Por ehempel un persona di bo famia of un persona na scol. Bo no conoce niun hende cu ken bo por papia of bo ta sinti cu no tin ayudo?
Yama telefon pa hubentud
Hopi mucha cu ta keda abusa ta yama telefon pa hubentud. Bo no mester duna bo nomber. Bo por discuti bo situacion den un forma anonimo. E persona boluntario di telefon pa hubentud ta scucha bo storia. E por duna bo conseho di loke bo mester haci.
Bo por yama telefon pa hubentud na telefon 131
Yama Bureau Sostenemi
Bo por yama Bureau Sostenemi tambe. Aki tampoco bo mester menciona bo nomber. Un empleado di Bureau Sostenemi ta scucha bo storia, e ta haci pregunta y ta pensa hunto cu bo riba e posibilidadnan pa enfrenta e problemanan na cas. Bureau Sostenemi por yuda bo cu esaki. Por ehempel duna bo conseho tocante loke bo mes por haci. Tambe nos por traha cu bo pa pensa y con nos por discuti e problemanan cu bo mayornan. Na prome luga, bo ta sinti bo mes sigur di nobo den famia na bo cas. Tin biaha ora cu esey no ta posibel, nos ta traha hunto cu bo pa busca otro solucion.
Por yama Bureau Sostenemi na telefon +297 588 1010
Necesidad di inmediato
Tuma contacto cu polis. Den caso di emergencia yama 911 inmediatamente.
“Mijn tante bleek al iets vermoed te hebben. Het was zo’n opluchting om er met haar over te praten”
