Tin un notificacion di mi yiu

Cualkier persona cu tin sospecho di abuso infantil por notifica esaki na Bureau Sostenemi. Legalmente ta stipula cu Bureau Sostenemi ta e liña directo legal pa haci esaki. Tur e profesionalnan por notifica como tambe e maestronan, e dokternan, e trahadonan social, e psicologonan y e oficialnan di polis. Tambe e personanan den su area por notifica inmediatamente. Bo por pensa e famia y e bisiñanan por ehempel.

Den caso di un notificacion normalmente Bureau Sostenemi ta tuma e siguiente cinco (5) pasonan:

– Na e prome instante e evaluacion di siguridad.
Despues cu Bureau Sostenemi a ricibi e notificacion, ta haci un evaluacion di e siguridad como e prome paso. A base di e informacion cu nos a ricibi di e notificacion y e informacion limita di otro fuentenan nos ta haci un evaluacion incicial di e siguridad di e mucha. Siguientemente nos ta dicidi cua ta e proximo pasonan cu nos ta bay haci.

– Un inventarisacion di siguridad.
E prome notificacion ta duna caba e prome impresion di e siguridad di e mucha. Un imagen completo ta rekeri mas informacion. Nos ta bay tene mas combersacion pa cu esaki. Ta importante pa tin un combersacion cu bo persona como e mayor y/of mayornan. Nos kier discuti e notificacion cu bo persona pa scucha su version y e storia. No ta trata so di e cosnan cu no ta bay bon. Nos ta yam’e tambe e preocupacionnan. Nos kier sa di bo persona como mayor kico ta bay bon den bo famia y den educacion di bo yiu. Esaki nos ta yama e forsa.
Cu e fin di yega na un imagen completo di e siguridad, nos ta papia tambe cu e yiu. Ta trata di bo yiu. Tambe nos ta papia cu e profesionalnan cu tin contacto cu bo famia, como e maestronan, e dokter di cas y e pediatra.

Si nos conclui den e inventarisacion cu no tin rason pa e preocupacionnan tocante e siguridad di bo yiu, e ora ey nos ta cerca e caso di notificacion.
Si nos yega na e conclusion cu tin motibo pa preocupacion, nos ta discuti cu bo persona di loke tin mester pa yega na un miho situacion pa bo yiu.

– Recuperacion di e siguridad segun e plan di siguridad.
E recuperacion di e siguridad ta e prioridad mas importante di nos trabou. No solamente ta trata di e siguridad fisico sino tambe ta trata pa no permiti e muchanan presencia violencia entre e mayornan. Ademas ta trata di duna un bon cuido, di tin atencion suficiente y di tin suficiente oportunidad pa e mucha por desaroya etcetera. Cu e fin pa recupera e siguridad di e yiu, nos ta traha cu bo persona pa elabora un plan di siguridad. Hunto cu e plan di siguridad nos ta pone e acuerdonan di e medidanan concreto cu nos mester y tambe e yudansa cu nos mester.

– Evalua y traspaso
Cu tempo, Bureau Sostenemi ta evalua e recuperacion di e siguridad. Ta necesario e acuerdonan cu a haci y nan a funciona of mester di actualisacion? E siguridad a keda suficientemente recupera? Si ta asina nos ta entrega esaki na e trahadonan di cuido cu ta sigui yuda e famia pa evita cu e famia bolbe cay den insiguridad.

Nos empleadonan ta haci un bon trabou. Cuidadosamente posibel. Sinembargo, ta posibel cu bo ta satisfecho cu algo. Si esaki ta e caso, discuti directamente cu nos empleado. Nos empleado ta trata di traha cu bo persona pa busca un solucion. Si e no logra bo por tuma contacto cu e director di Bureau Sostenemi. Den un combersacion cu e director, e por splica loke e ta kere cu no ta bay bon. E director ta tuma e decision di loke e mester haci y e ta informa bo di esaki.