Combersacion cu e mucha
Con pa cuminsa un conversacion cu un mucha?
Contacto cu Bureau Sostenemi
588 10 10
Den caso di un emergencia jama 100
Duna bos na un mucha ta hopi importante. E muchanan cu na cas ta descuida of ta abusa no ta suficientemente scucha y bon mira pa nan mayornan. E adultonan cu ta papia di abuso den nan hubentud hopi biaha ta bisa cu nan tampoco tabata haya oido. Hopi biaha nan a sinti cu nan no a haya e yudansa necesario. Trata cu un abuso di mucha sin wak e mucha, sin puntra e mucha kico e ta haciendo y sin puntra e mucha kico e mester no ta un opcion.
Na mesun momento, no ta evidente cu un mucha ta papia tocante e problemanan di cas. Hopi biaha e mucha tin berguensa y e ta sinti su mes culpabel. Of ta indica na dje explicitamente pa mantene su boca cera. Por ehempel: “Si bo bisa algo, nos ta manda bo na un internado” of “mama cu papa ta bay divorcia. No spera cu un mucha por confia bo inmediatamente. Kisas tin biaha si. Of ta rekeri un di dos of di tres yamada. Y/of e mucha ta tuma contacto cu bo despues di e combersacion ora cu e ta cla pa e combersacion.
Pa prepara pa un entrevista, ta bon pa pensa den un serie di cos. No pensa principalmente riba combersacion como un oportunidad pa saca informacion di e mucha. Igualmente ta importante cu bo ta duna un mensahe na e mucha.
E mensahenan:
- Enfatisa cu tin otro mucha cu ta pasando den e mesun situacion cu ne, cu e no ta e unico, cu tin ayudo p’e y pa su mayornan.
- Enfatisa cu e mucha nunca tin e culpa di e abuso. Incluso cu si e mucha haci e cosnan cu supone cu no ta permiti.Incluso si e mucha no a resisti, por ehempel den caso di un abuso sexual.
- Haci mas cla posibel cu cierto comportamento no ta bon, manera golpia of tene contacto sexual cu un mucha.
E otro reglanan:
- Wak pa ta mas cla y concreto: Bisa e mucha pakico bo kier papia cu ne y bis’e tambe loke bo sa y loke bo a mira. No converti e combersacion den un wega di pushi y raton,
- No bira critico riba e mayornan.
- Percura cu e combersacion cu e mucha no bay den caminda di un insiguridad adicional.
- Percura cu despues di e combersacion y sigura cu e mucha semper ta tuma contacto cu un persona cu ta consciente. Dun’e bo number di celular. Of sigura cu e mucha por bay cerca otro persona y haci acuerdonan concreto tocante e asunto.
- No ta priminti secreto.
- Traha e acuerdonan cla tocante loke bo ta haci despues di papia cu e mucha.
Ehempel di pregunta cu bo por puntra e mucha
Ora di papia cu e mucha ta bon pa pone atencion na e tres siguiente tema:
- E cosnan agradabel y divertido na cas
- E cosnan tristo y kens na cas
- E futuro
Den un combersacion, por lo general ta funciona miho ora bo cominsa cu e cosnan agradabel y despues bo ta bay papia di e cosnan bunita hunto cu esunnan tristo. Na final, e preguntanan tocante e futuro.
Papia di un adulto y/of di un situacion di hogar por ta dificil pa e muchanan. Ta parce cu e mucha no kier of ta reacciona na un manera defensivo. Por ehempel: “Mi ta kere cu realmente bo ta desea of kier hacie. Kico bo ta gusta haci? Con bay? Con bo ta sinti? kico bo kier? Crea un relacion cu e mucha, por ehempel door di hiba e mucha na un parke pa simplemente papia un rato. Esaki ta yuda crea un relacion di confiansa. Tin biaha e muchanan mas chikito no ta tribi di papia mes. Pero den un combersacion den cua cu e ruman homber mayor of un ruman muhe mayor ta hunto cu nan por tin exito.
E preguntanan tocante e cosnan agradabel y divertido
- Cua ta e cosnan agradabel cu bo ta haci na cas cu bo mama? Y cu bo tata? Of cu bo rumannan?
- Kico bo ta haciendo exactamente? Kico bo ta scucha of wak ora mi ta sinta den e sofa? Si bo ta permiti mi wak tambe?
- Kico bo kier pa bo mama y papa haci pa semper? Kico ta loke nunca bo kier perde?
- Kico bo ta gusta haci mas?
- Cua ta bo forma di cariño faborito? Kico bo ta bisa mi di e cosnan bon den bo bida?
- Cu ken bo ta gusta ta? Ora cu bo mama y bo tata no ta cu bo?
- Ken conoce bo asina bon? Ken por bisa mi kico bo ta gusta?
- Supone cu mi sali cana awenochi, mi ta bay ewak door di e bentana di bo cas, cua ta e cosnan bunita cu mi ta wak na bo cas?
E preguntanan tocante e cosnan tristo of e cosnan kens
- Ta sosode e cosnan na cas cu ta divertido, kens of cu ta haci bo tristo?
- Bo a yega di conta esaki na un persona?
- Bo por conta mi?
- Kico bo ta haci ora cu pasa algo? Con bo ta sinti?
- Tin otro persona cu sa di e cosnan cu ta pasa na cas?
- Bo sa si tin un persona cu ta preocupa pa e cosnan aki?
- Cua ta e cosnan tristo cu bo no kier pa bolbe pasa?
- Cua ta bo e forma di cariño favorito? Kico bo por bisa di loke ta bon den bo bida?
- Si cos ta malo realmente na bo cas of kens y mi wak door di bentana, kico mi ta wak?
E preguntanan tocante e futuro
- Si bo por scoge con tabata antes, ken tabata biba cu bo den cas?
- Y ken tabata biba cerca? Y ken tabata bin pasa cerca hopi biaha?
- Kico boso ta haci hunto na cas?
- Kico no por pasa nunca mas na cas?
- Cua ta e acuerdonan y e reglanan cu tabata tin na cas y tur hende mester a tene nan mes na dje?
Fuente
Baeten, P. en Wolzak, A. Papia cu e muchanan den practica di AMK’s Praten met kinderen in de praktijk van de AMK’s, Utrecht, NIZW 2003.
