E preguntanan pa acesoramento

Aki bo ta haya mas informacion pa e ciudadanonan y pa e profesionalnan cu no ta resorta bou di e Codigo di Proteccion. E profesionalnan cu ta resorta bou di e Codigo ta haya e reglenan pa Peticion pa conseho y acesoramento di e profesionalnan.

Si bo wak algun señal of sospecho di abuso di mucha, bo por comunica telefonicamente cu Bureau Sostenemi. Nos ta discuti e señalnan cu bo persona y nos ta wak tambe kico bo a haci caba. Por ehempel: Ya bo a discuti bo preocupacionnan cu e mucha of cu e mayornan? Kico tabata nan reaccion?
E contacto por resulta den:

Het contact kan er toe leiden dat:

• Bo ta haya conseho y/of acesoramento
• Bo ta bay haci un notificacion

Si bo wak of bo ta sospecha cu un mucha ta abusa of ta descuida den su area of su ambiente ta posibel cu bo no sa kico pa haci miho. Kisas bo ta duda, cu bo no ta sigur of bo ta pensa cu tin maltrato y/of negligencia. Si nos di Bureau Sostenemi haci un yamada bo por conta e storia. Bo por bisa loke bo a wak of scucha. Nos empleado ta scucha bo y ta haci bo pregunta. Nos empleadonan ta capaz y tin hopi experiencia amplio trahando cu famia unda tin mucha abusa y/of descuida. Nan por pensa hunto cu bo y duna bo conseho tocante varios tema.

E señalnan

Si tin e señalnan, ta hopi importante comproba si realmente ta motibo pa sospecha cu tin abuso di mucha. Nos empleado tambe ta traha hunto cu bo pa pensa con pa haya un miho imagen di e situacion di e mucha. Tabata tin algun señal antes?

Mester evalua e señalnan tambe di e gravedad di e problemanan. Nan ta indica un problema grave y mester bin yudansa rapidamente den un caso afirmativo? Con? Nos empleadonan por pensa hunto cu bo.

E miho manera pa tin un miho imagen ta tene un combersacion cu e mucha y su mayornan.

Combersacion cu e mucha y e mayornan

Hopi persona ta haya dificil un combersacion cu un mucha y e combersacion cu e mayornan tocante e señalnan. Talbes bo ta prefera di no involucra bo mes den e asunto di otro persona. Of bo ta teme pa e reaccion di e mayornan? Talbes nan por rabia. Asina mes e combersacion ta e miho paso pa sigui. Nos empleadonan por conseha bo e manera con ta hiba un combersacion asina. Bou di “Conseho pa un combersacion”, bo ta haya conseho masha util pa tene un combersacion cu e mucha y pa un combersacion cu e mayornan.

Haci notificacion?

Ta posibel cu bo ta considerando pa haci un notificacion. Nos empleadonan por pensa hunto cu bo kico bo por haci cu e consideracion ey y por bisa bo tambe kico bo mester pa haci un notificacion.

E responsabilidad

Si bo haya e conseho y bo no a haci e notificacion, e ora ey ta importante pa bo sa e lo siguiente. Si nos di Bureau Sostenemi a conseha bo, nos ta tuma ningun medida. Nos no ta tuma contacto cu e famia, e mucha of otro hende. Si tin evidencia di abuso di mucha, nos no ta tuma ningun medida pa investiga of stop e abuso. E responsabilidad ey ta keda pa bo mes.

Pregunta pa conseho anonimo

Si bo pidi conseho, no mester di duna bo nomber. Bo por si bo ta desea. Si bo kier keda completamente anonimo esey ta significa cu nos no por haya e datonan ey den caso cu bo yama pa di dos biaha pa e mesun famia. Sinembargo, ta importante pa nos sa cua ta bo relacion cu e famia. Por ehempel. Si bo ta un bisiña, un maestro di deporte of un miembro di e famia. Nos ta adapta nos conseho e ora ey.

Registracion di bo datonan

Si bo duna permiso pa esaki, nos ta registra e contacto cu nos tabata tin cu bo persona, bou di bo nomber. Nos no ta pidi bo pa bo facilita nomber y dato di e mucha y su famia. Si bo menciona e nombernan toch nos no ta skirbi esaki.

Si bo bolbe yama tocante e mesun famia den un otro ocasion nos por haya informacion di e prome yamada den e funcion di bo nomber.

Notificacion

Si bo ta considerando pa haci un notificacion, tuma contacto telefonico cu nos na Bureau Sostenemi. Hunto cu nos empleado ta haci un evaluacion. Si notificacion ta un paso corecto den e situacion ey.

Pa haci un notificacion e siguiente reglanan ta:

• Bo ta facilita na nos empleado bo nomber, bo datonan di contacto y bo relacion cu e mucha y su famia cu bo ta desea di notifica;
• Bo ta facilita di un manera extenso y berdaderamente posibel, e informacion cu bo tin di e mucha y su famia;
• Si ta posibel, analisa bo intencion di informa e famia y splica pakico bo ta haci e notificacion. Bou di “Conseho pa un combersacion” bo ta haya e consehonan masha util pa tene un combersacion cu e mucha y un combersacion cu e mayornan;
• Bo por duna informacion telefonico tocante bo inkietudnan of manda esaki via un email.

Anonimidad

Si bo persona ta un ciudadano, nos ta duna bo identidad solamente cu bo permiso na e famia. Nos empleado ta discuti cu bo persona e consecuencianan di duna bo identidad of di no duna identidad na e famia. Tanto e consecuencianan pa bo como tambe pa e famia.

E proximo pasonan

Si bo a haci e notificacion, nos ta realisa e evaluacion inicial di e siguridad den un periodo di cinco (5) dia. Mas pronto posibel despues di esaki, nos ta tuma contacto cu e famia pa un combersacion cu e mayornan y cu e mucha. E obhetivo principal ta recupera e siguridad di e mucha. Un descripcion detaya di e pasonan cu nos tuma despues di un notificacion bo por haya informacion riba “E forma di traha di Bureau Sostenemi”.

Kico ta pasa si un notificacion por provoca un insiguridad?

Den algun caso, un notificacion por provoca insiguridad. Pa e mucha, pa bo cu a haci e notificacion of pa e otro personanan. Cu nos empleado bo por discuti con pa traha hunto pa sigura pa tur cos keda sigur.

E responsabilidad

Si bo haci un notificacion, nos ta asumi e responsabilidad pa investiga e siguridad di e mucha. Si resulta cu e mucha ta realmente insigur, nos ta tuma e medidanan necesario pa recupera e siguridad. Nos ta hacie hunto cu e famia y cu otro persona cu por contribui na esaki.

E comentarionan

Despues di e evaluacion di siguridad nos ta dicidi si nos ta tuma e medidanan adicional como resultado di e notificacion. Nos ta informa bo di e decision. Debi na e privacidad, nos no por facilita mas informacion.