Abuso Fisico

E abuso fisico cerca mucha ta implica diferente forma di violencia. Esunnan mas comun ta den forma di dal e mucha. Ta e forma di dal cu man of cu un obheto manera sapato of palo. Scop, morde y ranca cabey ta un di e formanan di violencia cu e mayornan ta uza mas tanto. Tin biaha bo ta haya e mucha cu kemaduranan ora cu e mayor deliberadamente a pone e man di e mucha na stoof of na hero di strica.

Den caso di abuso fisico, ta distingui algun forma special cu por tin e consecuencianan hopi grave:

– Cortamento di e parti genital femenino

Esaki ta referi na e uzo di clítoris. Esaki keda ta parcialmente corta of elimina. Hopi biaha esaki ta sosode entre e edadnan di 5 pa 15 aña. E cortamento di e parti femenino ta presenta principalmente den e famia Africano manera Somalia y Guinea.

– E sindroma di Münchhausen

E sindroma aki ta compronde por lo general ora un di e mayornan ta duna un imagen cu su yiu ta malo y tin un discapacidad of ta lesiona.

– E sindroma di Shakenbaby

E sindroma di baby sacudi ta nifica: sacudi e baby asina tanto cu esaki por causa daño celebral of causa e baby su morto.

E consecuencianan na corto plaso ta inclui lesionnan, rasgo di plekinan blauw y fractura di weso.
Den e adolescencia y den e edad adulto tin un probaliblidad grandi di comportamento agresivo y violento. E comportamento aki por concentra su mes den e adulto pafo di su famia, su pareha, su yiunan of otro miembro di e famia. E comportamento criminal no violento ta mas comun. Banda di esaki nos ta wak e formanan di e comportamento dañino cu ta dirigi na e victima. Por ehempel e forma di autoagresion of suicidio. E problemanan emocional den forma di depresion y temor tambe ta e consecuencianan di violencia fisico den e hobennan.

E señalnan di abuso fisico hopi biaha ta mas facil pa reconoce cu e señalnan di otro forma di abuso di mucha. E señalnan cu mayoria di biaha ta visibel ta:

• Plekinan blauw
• Marca di huña riba e curpa
• Marca di djente riba e curpa
• Fractura di weso
• Lesionnan
• Temor
• Distante
• Agresivo

Tur e señalnan ta aplicabel pero no por wak nan como prueba cu un mucha ta sufri di abuso fisico. Mester wak e señalnan aki como estimulo pa wak mas leu y pa profundisa den e situacion di e mucha y su famia. Pa e profesionalnan ta un rason pa aplica paso 1 di e Codigo di Proteccion.

• https://www.nji.nl/Vormen-Kinderen-die-getuige-zijn-van-huiselijk-geweld
• – Berge, I. ten, A. Addink., M. de Baat ., C. Bartelink., J. van Rossum., y A. Vinke (2012). Para y yuda (‘Stoppen en helpen): Un contesta adecua pa abuso di mucha. (Een adequaat antwoord op kindermishandeling).’ Utrecht/Amsterdam: Nederlands Jeugdinstituut/SWP.
• https://digitalcommons.unl.edu/cgi/viewcontent.cgi?article=1098&context=psychfacpub