Abuso psicologico
Kico e ta, con bo por reconoce y kico bo por haci?
Contacto cu Bureau Sostenemi
588 10 10
Den caso di un emergencia jama 100
Abuso psicologico, nos conoce tambe como abuso emocional. E forma di abuso aki ta sosode ora cu e mayornan ta comporta nan mes di un manera di menosprecio y agresivo cu e mucha. Algun ehempel di esaki ta cu e mayornan ta bisa e mucha cu e no ta un mucha stima of ta miho cu e no a nace. Asina e mayornan ta menosprecia e mucha, yam’e pa kens y/of incapaz. Door di cera e mucha, mara, menas’e y/of maltrata e mascota preferi di e mucha tambe ta forma di abuso piscologico.
Completamente diferente ta e manera di menosprecio den caso cu e mayornan a pone un exigencia di nivel escolar demasiado halto, anto na un nivel cu e mucha no por maneha realmente pa despues menosprecia e mucha..
E mayornan por pone exigencianan exesivamente halto pa e rendimento deportivo di nan yiu.
E abuso psicologico ta implica un forma cronico y negativa di trata cu un mucha.
E consecuencianan
E consecuencianan di abuso psicologico hopi biaha no ta visibel inmediatamente p’esey nos no ta dun’e su importancia. E consecuencianan aki a lo largo ta bira mas grave cu e consecuencianan di abuso fisico of e negligencia emocional. E posibel consecuencianan ta inclui trastorno di ansiedad, depresion, trastorno di stress postraumatico y e aumento di e nivel di stress. Den e edad adulto por problemanan pa dispone y conserva e contactonan social. E problemanan di afeccion por dificulta e disposicion of conservacion di relacion di amistad y pareha.
E señalnan
E abuso psicologico ta debilita e autoconfiansa di e muchanan. Nan por sinti nan mes inferior y insigur. E posibel señalnan ta:
- desonfiansa den contacto cu adulto
- miedo di fracasa
- problema di come y drumi
- Distante
- depresivo
- nervioso y miedoso
No tur señal ta wordo considera como un prueba cu e mucha ta victima di abuso. Mester wak e señalnan pa encurasha y pa profundisa mas den e situacion di e mucha y su famia. Pa e profesionalnan, ta un forma y rason pa aplica paso 1 di Codigo di Proteccion.
