Descuido emocional

Nos ta papia di descuido emocional na momento cu e mayornan no ta duna suficiente atencion na nan yiu of yiunan. E mayornan no ta duna amor y afecto, apoyo y siguridad. E mayornan cu ta descuida nan yiu of yiunan emocionalmente. Of no ta emocionalmente disponibel pa nan yiu of yiunan tampoco no ta reacciona mes na e necesidadnan di e mucha of muchanan.

E descuido emocional ey nos ta yama tambe negligencia psicologico cu ta un dje formanan mas comun di abuso infantil. E daño na largo plaso y den basta caso ta hopi grandi. Segun Baartman (2012) ta yama e abandono emocional aki e forma mas destructiva di abuso infantil. E consecuencianan hopi biaha ta wordo subestima. Ademas e descuido emocional ta denomina como un forma di descuido di abuso infantil.

E muchanan descuida emocionalmente ta carece di amor, afecto, siguridad y apoyo. E mayornan cu frecuentemente ta ignora e necesidadnan basico di nan yiu, no ta brasa ni hunga cu nan yiu of yiunan. Nan no ta duna un consuelo den e situacion cu e yiu of yiunan ta sinti tristo y miedo. Asina tambe alehando e mucha for di scol of di su contactonan cu e mundo exterior ta un forma di negligencia psicologico.

E consecuencianan ta relaciona cu e edad di e mucha den cua e descuido psicologico ta keda constata. Den hopi caso esaki ta manifesta su mes na e momento cu e mucha a nace. E problemanan den hopi caso cerca e mayornan cu tin manera depresion, adiccion y problema sikiatrico ta nifica cu for di un principio nan no por provee e mucha loke e mucha realmente mester. Esta atencion, amor y cuido. Den e prome añanan di bida di e mucha, e descuido aki por conduci na e problemanan di desaroyo di e celebro di e mucha. E consecuencianan aki por ta definitivo. Debi na e desaroyo trastorna di e celebro di e mucha esaki por desaroya mas laat den su añanan di bida miedo, depresividad of miedo pa faya den bida. Tambe nan por keda cu e trastorno di afecto y discapacidad di aprendizahe.

• Tristo
• Insigur
• Isola
• Un aparencia descuida
• No ta apto
• E mayor no ta mustra atencion, ta rous e mucha

E señalnan aki nos no por wak nan como prueba cu un mucha ta den un situacion di abuso. Nos mester wak e señalnan aki como un estimulo pa wak mas leu y pa profundisa den e situacion di e mucha y su famia. Pa e profesionalnan ta un señal y rason pa haci uzo di paso 1 di e Codigo di Proteccion.

https://www.augeo.nl/kindermishandeling/psychische-verwaarlozing

https://www.nji.nl/nl/Kindermishandeling-Probleemschets-Definitie/Psychische-verwaarlozing

https://www.nji.nl/nl/Download-NJi/Publicatie-NJi/Emotionele-en-pedagogische-verwaarlozing.pdf

Baartman, H., y C. Hoefnagels (2012), Abuso emocional (‘Emotionele mishandeling), un concepto dificil pa defini, saca for di e revista abuso di mucha, aña 5, number 12. (een lastig te duiden begrip’, in: ‘Tijdschrift Kindermishandeling’, jaargang 5, nummer 12).