Testigo di violencia di pareha

E muchanan ta haya hopi dificil ora cu nan mayornan tin discusion cu otro. Si esaki sosode cu frecuencia y specialmente ora cu ta uza violencia, ta extremadamente doloroso y confuso pa e muchanan. Segun e investigacionnan haci a keda demostra cu e muchanan casi semper sa ki ora nan mayornan tin argumento cu otro, incluso ora cu nan no ta eynan presente. Cu durante e embaraso ta uza violencia contra nan mama. E muchanan ta nota tambe ora cu e polisnan ta bin cas of ora cu nan mester hui cu nan mama y bay na un luga di refugio of na cas di un amigo y/of na cas di un conoci. Den mayoria di caso, tin di haber cu e violencia uza door di e tata of padrastro contra nan mama.

E mesun investigacionnan aki tambe ta mustra cu e muchanan por sufri dañonan grave door di e peleanan y e violencia entre nan mayornan. E investigacionnan ta mustra tambe cu e muchanan cu tin mayornan den conflicto violento ta hopi biaha descuida y maltrata. E investigacionnan ta inclui un calculacion di un 30% te 60% di e famianan cu tin violencia di pareha y abuso di mucha.

E muchanan cu ta testigo di violencia por desaroya un variedad amplio di problema y keho. Aki ta sigui un resumen breve.
E consecuencianan ta depende di e fase di desaroyo cu e muchanan ta enfrenta e violencia.
E muchanan cu ta sufri di violencia na un edad hopi jong por desaroya problema di salud dificiente, retraso den e crecemento of soño. Nan ta yora y grita hopi.
E muchanan den edad escolar, nos ta wak un influencia importante den nan contacto social y den nan desempeño di aprendizaje debi na e problemanan di concentracion.
E adolescentenan cu ta crece den un famia den cua violencia ta den wega ta haya mas hopi problema pa drenta un relacion amoroso.

Ademas di distingui entre e etapanan di desaroyo di e muchanan, tambe por haci un distincion entre un mirada interno y externalisacion di e reaccionnan cu ta keda orienta pa e parti exterior di e muchanan cu ta testigo di violencia. Algun ehempel di e reacionnan ta internalisa ta, e desaroyo di miedo, di tin un imagen negativo di su mes y sintimentonan di culpa. Otro ehempel ta inclui e problemanan di concentracion, urina na cama y e comportamentonan suicidio.

E reaccionnan externo ta inclui alehamento, comportamiento agresivo y e uzo di forsa.

Cerca e babynan

• Salud fisico malo
• Drumi malo
• Yoramento excesivo of grita hopi
• Miedo pa ta nan so
• Spanta lihe
• Desaroyo emocional pober debi na insiguridad

Cerca e muchanan chikito

• Sintomanan manera dolor di cabes, dolor di barica, insomnio
• Retraso den desaroyo di limpiesa y dominio di idioma
• Gago
• Masha poco confiansa den su mes
• Comportamento ansioso y masha pega of comportamento pasivo
• Problema social manera morde y golpia

Cerca muchanan preescolar

• Sintomanan manera dolor di cabes, dolor di barica, insomnio
• Retraso den desaroyo di limpiesa y dominio di idioma
• Gago
• Miedo y masha pega fisicamente na su mama, cera den su mes of comportamento pasivo
• Problemanan social debi na un comportamento agresivo pa cu su compañeronan, famia, animal of cos
• Culpa su mes

Cerca muchanan den edad escolar

• Miedo y isolacion
• Culpa su mes
• Autoimagen negativo
• Tristesa
• Berguensa
• Depresion
• Falta di confiansa pa su mayornan of e adultonan en general

Problema di maneho

• Isolacion social debi na berguensa di e situacion na cas
• Falta of un deficiencia di e habilidadnan social
• Falta di empatia of hiper sensibel
• Poder di resolve problema masha abou

Problemanan escolar

• Dificultad cu trahamento di tarea escolar of problema di sobrerecompensa
• Dificultad pa concentra
• Hui for di scol

Kehonan somatico

• Dolor di cabes
• Dolor di barica
• Insomnio

Mirando tur e señalnan, no por mira esaki como prueba cu un mucha ta den un situacion di abuso. E señalnan aki mester wak nan como estimulo pa wak mas leu, pa profundisa den e situacion di e mucha y su famia. Pa e profesionalnan ta un señal y un rason pa tuma paso 1 di e Codigo di Proteccion.

https://www.augeo.nl/kindermishandeling/getuige-van-partnergeweld

https://www.nji.nl/Vormen-Kinderen-die-getuige-zijn-van-huiselijk-geweld

Baeten, P. y Geurts, E. Den sombra di violencia (“In de schaduw van het geweld”. Utrecht, NIZW 2002