Kico ta abuso di mucha?

Nos ta papia di abuso di mucha si un mucha ta sufri daño como resultado di comportamiento di un adulto.

E daño por ta tanto fisico como psicologico. E daño por surgi di inmediato y tambe por manifesta na un edad mas grandi. E lesionnan por yega na desaroya miedo, incertidumbre, trauma etc. E daño no ta inmediatamente visibel. Segun e estudionan a keda demostra cu e muchanan cu presencia violencia entre su mayornan ta mas vunerabel pa desaroya problema grave na edad mas grandi[1].

Den Ley (articulo 243a paragraf 2 di Codigo Civil di Aruba) ta describi abuso di mucha di e siguiente manera:

“…Cualkier forma di interaccion di naturalesa fisica, psicologico of sexualmente menasante of di violencia pa un menor, cu ta impone activo of pasivamente un relacion cu e mayornan of otro persona den cua e menor ta den e relacion of dependencia y/of libertad, causando un daño grave of un riesgo di causa of e riesgo di causa daño na e menor den forma di lesion fisica of psicologico”.

E definicion ta indica cu ta trata di diferente forma di abuso di mucha. Tin un parti cu ta activo como pasivo. Den e forma activo nos ta wak golpi, scop, mordemento, acoso, intimidacion of abuso sexualmente di un mucha.

E forma pasivo tin di haber cu descuido. Algun ehempel di descuido ta:

• No ta alimenta e muchanan chikito en particular
• No ta duna atencion medico
• Ta abstene y no ta sigura educacion di e mucha (“no ta laga e mucha bay scol”)

Nos ta distingui e siguiente formularionan cu ta duna splicacion detaya riba nos website.

• Abuso fisico
• Negligencia fisico
• Abuso psicologico
• Descuido emocional
• Abuso sexual
• Presencia violencia entre pareha

Por lo general e mayornan no tin e intencion pa daña nan yiunan. E abuso di mucha casi semper ta debi na incapacidad di e mayornan. Esaki ta door cu e mucha no a haya e atencion adecua. Por lo general ta e resultado di e propio problemanan di e mayornan. Problemanan manera di finansa (un debe grandi), e uzo di alcohol y/of droga. Problema di relacion of problema di e mayornan cu a origina for di tempo den nan propio hubentud.

[1] Baeten, P. en Geurts, P. In de schaduw van het geweld, Utrecht, NIZW 2002